Aðalfundur Landssamtaka sláturleyfishafa, haldinn í Reykjavík 19. mars 2009, varar eindregið við hugmyndum um inngöngu Íslands í Evrópusambandið. ,,Það er alveg ljóst að innganga Íslands í Evrópusambandið myndi á fáum árum orsaka endalok íslensks landbúnaðar eins og hann er í dag. Þúsundir starfa myndu tapast og breyting verða á byggð landsins. Matvælalegt sjálfstæði þjóðarinnar verður ekki tryggt nema með öflugum íslenskum landbúnaði," segir í ályktun samtakanna.
Eskfirðingurinn Sigurður Magnús Þorbergsson hefur undanfarna daga
upplifað hringekjuferð í Idol-Stjörnuleit. Hann verður einn af tólf
þátttakendum í úrslitunum.
Heimsgangan er aðgerð sem fer fram í 90 löndum frá 2. október 2009 til 2. janúar 2010 og hefur Ísland nú bæst í þann hóp. MarkmiðHeimsgöngunnar er að skapa vitundarvakningu sem hafnar öllu ofbeldi hvernig sem það birtist,svipaða þeim breytingum sem orðið hafa á viðhorfum til umhverfismála á síðustu áratugum.
Matar- og menningarhátíðin Food and Fun byrjaði í dag og er nú haldin í áttunda skiptið. Sextán erlendir gestakokkar eru komnir til landsins og munu leggja dag við nótt til að elda kræsingar fyrir íslenska sælkera. Hótel Hérað á Egilsstöðum er þátttakandi og þar verða galdraðir fram gómsætir réttir byggðir á völdu íslensku hráefni um helgina.
Umfangsmikilli loðnuleit hafrannsóknaskipa og fiskiskipa er nú lokið án þess að loðnukvóti væri gefinn út. Ekki náðist að mæla þau 400 þúsund tonn sem er miðað við sem grundvöll til útgáfu aflamarks. Þetta er í fyrsta sinn frá veiðitímabilinu 1982/1983 sem ekki hefur verið gefinn út loðnukvóti. Loðnan hefur nú hrygnt og því orðið of seint að veiða hana.
Sýslumaðurinn á Eskifirði hefur fengið beiðnir um nauðungarsölu sextán húsgrunna á Fáskrúðsfirði. Þegar framkvæmdir hófust í við þá var það sagt marka tímamót í byggingasögu bæjarins.
Apostol Apostolov, þjálfari kvennaliðs Þróttar Neskaupstað í blaki,
segist ánægður með frammistöðu liðsins í úrslitum bikarkeppninnar um
seinustu helgi þótt liðið hafi tapað gegn HK.
Kristinn Kristinsson, nemandi Menntaskólans á Egilsstöðum, hefur verið valinn í ólympíulið Íslands í eðlisfræði. Kristinn tók þátt í seinni hluta Eðlisfræðikeppni framhaldsskólanna og náði þriðja sæti. Hann var því valinn í ólympíuliðið og mun keppa fyrir hönd landsins á Ólympíuleikunum í eðlisfræði í Mexíkó í júlí í sumar.
Nú fer að líða að opnun alþjóðlegu kvikmynda- og myndbandahátíðarinnar 700IS Hreindýralands 2009. Hátíðin verður nú haldin nú í fjórða sinn.Í þessari viku munu listamenn og sýningarstjórar sem taka þátt í hátíðinni í ár koma til Egilsstaða, þar sem settar verða upp sjö innsetningar með myndbandsverkum og önnur með hljóðverkum.
