Til stendur að tengja nýja stofnlögn í vatnskerfi Seyðfirðinga í kvöld og nótt en það mun hafa í för með sér algjört vatnsleysi á meðan verkið er unnið. Íbúar eru hvattir til að birgja sig upp af vatni.
Rétt tæplega 40 konur á öllum aldri nýttu tækifærið á sunnudaginn var þegar Golfklúbbur Fljótsdalshéraðs í samvinnu við Golfsamband Íslands og PGA á Íslandi bauð upp á sérstakan stelpugolfdag á golfvellinum að Ekkjufelli. Þátttakan fór langt fram úr björtustu vonum þrátt fyrir að veðrið hafi ekki verið sem best.
Dagskrá Skógardagsins mikla, sem undanfarin ár hefur verið haldin hátíðlegur í Hallormsstaðaskógi, verður óvenju viðamikil að þessu sinni. Reyndar svo viðamikil að nánast er hægt að tala um Skógardagana miklu.
Hafís og útbreiðsla pólsjávar djúpt norður af landinu í vetur skýrir að stórum hluta óvenjulega kaldan sjó úti fyrir ströndum Austurlands síðustu dagana. Reynslan sýni að slíkur kuldi geti orðið viðvarandi út sumarið og þar með haft drjúg áhrif á lofthitann.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.