Þróttur Fjarðabyggð hafa fengið liðstyrk fyrir veturinn bæði meistaraflokkur kvenna og karla. Jamie Monterroso Vargas og José Federico Martin (Fede) hafa samið við karlaliðið og Alba Hernandez Arades og Paula Miguel de Blas við kvennaliðið en öll eru þau spænsk. Þá halda Maria Jimenez Gallego og Miguel Angel Ramos áfram að spila með liðinu en þau voru einnig á síðasta tímabili.
Í dag varð Höttur/Huginn deildarmeistari í 3. deild karla í knattspyrnu með sigri á ÍH í Skessunni í Hafnarfirði. Það er því ljóst að liðið mun leika í 2. deild að ári. Tímabilið hefur verið býsna gott hjá Hetti/Hugin en liðið komst í toppsæti deildarinnar í 2. umferð og hefur ekki látið það af hendi síðan.
Íbúasamtök Stöðvarfjarðar hafa lagt til við Fjarðabyggð að gera fótboltavöll bæjarins að tjaldsvæði. Gert er ráð fyrir að helmingur vallarins yrði áfram íþróttasvæði.
Breiðablik tryggði sér í gær sæti í riðlakeppni Meistaradeildarinnar með 3:0 sigri á heimavelli gegn Osijek frá Króatíu en fyrri leikur liðanna fór 1:1. Óhætt er að segja að um sé að ræða eitt merkasta afrek íslensks félagsliðs.
Fjarðabyggð/Höttur/Leiknir F. lauk frábæru knattspyrnusumri í gær með því að vinna úrslitakeppnina í 2. deild en fyrr í sumar hafði liðið orðið deildarmeistari og einnig tryggt sér sæti í 1. deildinni að ári með því að leggja Fram að velli í undanúrslitum úrslitakeppninnar.
Fjarðabyggð/Höttur/Leiknir F. tryggði sér um nýliðna helgi sæti í 1. deild kvenna að ári með 3:0 sigri á Fram í síðari undanúrslitaleik í úrslitakeppni 2. deildar.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.