Undanfarnar vikur og mánuði hefur verið uppi umræða um hugmyndir forsvarsmanna Smyril Line að flytja aðstöðu fyrirtækisins frá Seyðisfirði yfir í Fjarðabyggð og hefur Eskifjörður verið nefndur í því sambandi. Komið hefur fram að frumkvæðið hafi alfarið komið frá talsmönnum úrgerðarfyrirtækisins og að erfitt sé fyrir talsmenn sveitarfélagsins að ljá ekki máls á ósk hinna fyrrnefndu um viðræður um málið.
Ótrúlega margir Íslendingar hafa meiri áhuga á og þekkja betur til Afríku en Austurlands. Þetta er ekki vísindalega sannað, heldur eitthvað sem ég hef fengið á tilfinninguna eftir mörg samtöl við kunningja og vini sem búsettir eru á höfuðborgarsvæðinu. Þetta sama fólk hefur aldrei farið í innanlandsflug en getur ekki talið ferðarnar sem það hefur farið í utanlandsflug.
Er hugsanlegt að samstarf félaga í knattspyrnu dragi úr áhuga ungra barna á íþróttinni? Þessari spurningu verður ekki svarað með já-i eða nei-i. Það má hins vegar velta henni svolítið fyrir sér og reyna að átta sig á því hversu gott eða vont það er fyrir knattspyrnuhreyfinguna að félög sameini krafta sína í yngriflokkum. Það sem er jákvætt við að félög starfi saman í einstökum flokkum er að skapa verkefni fyrir börn á fámennum stöðum. Samstarf á fyrst og fremst að snúast um þörfina fyrir samstarfi, ef fjöldinn er til staðar þá þarf ekki samstarf. Þetta er lykilatriðið og segir sig sjálft.
Sú staða er komin upp, að útgerð Norrænu, P/F Smyril Line, hefur óskað eftir viðræðum um hafnaraðstöðu fyrir ferjuna í Fjarðabyggð. Á engum tímapunkti hafa forsvarsmenn Fjarðabyggðar nálgast stjórn útgerðarinnar um flutning Norrænu frá Seyðisfirði.
Á hverju ári gengur yfir vetrarmánuðina kvefvírus sem kallast RS-vírus, eða Respiratory Syncytial vírus og lýsir sýkingin sér einkum sem kvef og hósti. Allir aldurshópar geta smitast, en hann leggst þyngst á börn á fyrsta æviári og eldra fólk. Rúmlega helmingur allra barna fá RSV-sýkingu á fyrsta aldursári og nánast öll börn hafa fengið hana þegar þau eru orðin 2-3ja ára gömul. Hægt er að fá RSV–sýkingu oftar en einu sinni.
Þegar mikið mæðir á og fólk hefur engan til að tala við um sín hjartans mál í trúnaði er Hjálparsími Rauða krossins ætíð til staðar. Hjálparsíminn hefur staðið vaktina fyrir þá sem líður illa frá árinu 2004 og eru þrautþjálfaðir sjálfboðaliðar hans alltaf á vaktinni og tilbúnir að veita sálræna aðstoð og upplýsingar um þau úrræði sem í boði eru.
Í vetur hafði ég einhvern pata af því að Smyril-Line ætti í viðræðum við yfirvöld í Fjarðabyggð um hafnaraðstöðu fyrir Norrænu yfir vetrartímann. Í einfeldni minni taldi ég víst að Fjarðabyggð vísaði slíku erindi kurteislega á bug. Það er svo margt í nútíð og fortíð sem æpir á slíka afgreiðslu.
Frá því að Alcoa Fjarðaál hóf framleiðslu í Reyðarfirði árið 2007 hefur skapast sú hefð að boða til upplýsingafunda um starfsemi fyrirtækisins fyrir íbúa á Austurlandi einu sinni á ári. Að þessu sinni munu stjórnendur fyrirtækisins heimsækja sex staði á áhrifasvæði álversins, kynna starfsemina, sitja fyrir svörum og vonandi eiga gæðastund með áhugasömum yfir léttum hádegisverði. Boðað verður til svokallaðra súpufunda á eftirfarandi stöðum og tímum:
Á Egilsstöðum er frábær sundlaug og heitir pottar. Ég hef reglulega lagt leið mína í sund, enda mikilvægt að stunda heilsurækt. Lenti þó í sérkennilegri stöðu einn daginn. Í sakleysi mínu stakk ég mér til sunds og synti 25 metra. Ákvað að stoppa ögn og draga að mér andann. Þá sé ég á næstu braut fyrrum skólasystur sem ég hafði ekki séð í töluverðan tíma. Hún heilsar mér og bíður mig velkomna „Ætlar þú að vera með okkur í vetur?"
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.