Forsvarsmönnum Heilbrigðiseftirlits Austurlands (HAUST) þykir ekki gaman
heyra fyrrverandi ráðherra skammast yfir að farið sé yfir lögum sem
þeir hafa sett. Tvö frumvörp liggja nú fyrir Alþingi um leyfa sölu
matvæla í góðgerðarskyni. Varað er við að veita þar of mikið frelsi.
Bæjarstjórn Fljótsdalshéraðs hefur samþykkt að gefa út framkvæmdaleyfi
fyrir lagningu fiskvegar framhjá steinboganum í Jökulsá á Dal. Svæðið er
á náttúruminjaskrá. Forseti bæjarstjórnar greiddi einn atkvæði gegn
leyfinu. Hann vill frekari rannsóknir á að fiskvegurinn skili tilætluðum
árangri til að réttlætanlegt sé að framkvæma við náttúruundrið.
Um eitt þúsund Austfirðingar með F plús tryggingu hjá VÍS hafa að
undanförnu nælt sér í húfur sem þeim standa til boða. Umdæmisstjórinn er
hæstánægður með viðtökurnar.
Höttur vann Ármann í fyrstu deild karla í körfuknattleik 93-77 þegar
liðin mættust á Egilsstöðum á fimmtudagskvöld. Með sigrinum komst Höttur
í fjórða sæti deildarinnar. Bandaríkjamaðurinn Michael Sloan átti enn
einn stórleikinn.
Skiptum er lokið á búi Festarhalds ehf. sem í skamman tíma reyndi fyrir
sér í matvælaframleiðslu á Breiðdalsvík. Allar forgangskröfur í búið
voru greiddar og fimmtungur almennra krafna.
Fiskibátur með fjórum um borð strandaði í Stöðvarfirði upp úr miðnætti í
nótt. Ekki tókst að ná honum á flot í nótt en það verður reynt í dag.
Annar bátur strandaði í Fáskrúðfirði seinni partinn í gær.
Hannes Sigmarsson,
fyrrverandi yfirlæknir Heilbrigðisstofnunar Austurlands í Fjarðabyggð vill rúmar 30
milljónir króna í bætur fyrir ólögmæta uppsögn og aðdróttanir gegn
persónu hans og æru.
Elvar Jónsson, oddviti Fjarðalistans í bæjarstjórn Fjarðabyggðar, lýsir
Axarvegi sem „skemmtilegum valkosti yfir sumarmánuðina.“ Óskynsamlegt sé
þó að setja nýjan heilsársveg þar í forgang í austfirskum vegamálum.
Fyrrverandi sölustjóri BM Vallár á Reyðarfirði var í vikunni dæmdur í
tveggja mánaða fangelsi og til að greiða fyrirtækinu 8,2 milljónir króna,
með dráttarvöxtum, í skaðabætur fyrir að hafa dregið sé fé frá
fyrirtækinu. Hluta fjárins notaði hann til að kaupa sér hús.
Sölustjórinn bar því við að á hann hefði verið lagðar auknar
starfsskyldur og ekki komið á móts við ítrekaðar óskir hans um
endurskoðun launa eftir það.
Öll prestaköllin á Fljótsdalshéraði og Seyðisfirði verða á næstunni
sameinuð um eitt. Búast má við breytingum á staðsetningum presta.
Eiða- og Vallanesprestakall sameinast strax.
Arðsemi af rekstri fyrstu fjögurra ára Kárahnjúkavirkjunar er lægri en
vænst hafði verið. Áætlanir sem gerðar voru um kostnað áður en virkjunin
var reist hafa ekki staðist.
Eiríkur Björn Björgvinsson, fyrrverandi bæjarstjóri á Fljótsdalshéraði,
segir helsta mun á starfinu þar og á Akureyri, þar sem hann starfar nú,
að hann einbeiti sér betur að rekstrinum nyrðra. Pólitísk vinna eystra
hafi mögulega haft neikvæð áhrif á feril hans.