Austurbrú stendur fyrir ráðstefnunni „Make it Happen” – sem er haldin í tilefni af 10 ára afmæli Menningarráðs Austurlands og til að fagna 10 ára menningarsamstarfi við Vesterålen í Noregi í lok september. Ráðstefnan er einnig lokaviðburður Evrópu-verkefnisins Creative Communities sem er unnið með samstarfsaðilum í Svíþjóð og Danmörku.
Vegagerðin varar við snjómuggu á Fjarðarheiði og Hellisheiði eystri og mögulega einnig efst á Oddsskarði í kvöld og í nótt en mikið kuldakast gengur yfir allt landið sem kemur hvað harðast niður á Austfirðingum.
Fyrsti fundur forsvarsmanna Alcoa og ríkisstjórnar Íslands um hugsanlegt álver í Reyðarfirði var haldinn sama dag og Norsk Hydro tilkynnti að það væri hætt við þátttöku í slíku verkefni. Æðstu stjórnendur Alcoa tóku strax þátt í viðræðunum.
Tónlistarhátíðin Bræðslan var að venju haldin á Borgarfirði eystri síðustu vikuna í júlí. Á aðalkvöldinu komu fram Contalgen Funeral, Lovely Lion, Valgeir Guðjónsson, Mugison og Fjallabræður. Hátíðin nær þó yfir fleiri kvöld og að þessu sinni voru Coney Island Babies, Tilbury og Kiryama Family í Fjarðaborg á föstudegi. Austurfrétt gerði sér ferð á Borgarfjörð til að fanga stemminguna.
Ekki eru allir á eitt sáttir um þær hefðir sem víða tíðkast í framhaldsskólum landsins við busavígslur. Deilt er um hvort þær séu skemmtun eða andlegt ofbeldi og niðurlæging. Dæmi eru um að nemendur hafi heimtað harðari busanir þegar búið hafi verið að róa þær niður.
Ólöglegt er að fara til hreindýraveiða á fjórhjóli eða sækja á því fallna bráð. Mynd af hauslausu hreindýri á fjórhjóli sem lagt var á fjölförnu svæði á Egilsstöðum um helgina hefur fengið mikla athygli í fjölmiðlum.
Magnús Þór Ásmundsson, forstjóri Alcoa á Íslandi, segir fyrirtækið taka virkan þátt í íslenskri samfélagsumræðu, sérstaklega þegar um er að ræða austfirsk hagsmunamál. Samgöngu- og heilbrigðismál hafa þar farið hæst.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.