Í vikunni var undirritaður samningur milli Arion banka á Egilsstöðum og sveitarfélagsins Fljótsdalshéraðs um að bankinn verði einn af aðalbakhjörlum atvinnulífssýningarinnar Okkar samfélags sem haldin verður á Egilsstöðum 18. og 19. ágúst.
Tjörvi Hrafnkelsson, bæjarfulltrúi Héraðslistans, hefur sagt af sér embætti. Ástæðuna segir hann vera miklar annir í fyrirtækjum sínum sem starfa í tölvugeiranum. Tjörvi hefur verið í leyfi af þessum sökum frá bæjarstjórninni síðan í september.
Austurlandsdeild Sjúkraliðafélags Íslands mótmælir harðlega boðuðum uppsögnum sjúkraliða á hjúkrunarheimilinu Sundabúð Vopnafirði og þeim breytingum á rekstrarfyrirkomulagi hjúkrunarheimilisins sem Heilbrigðisstofnun Austurlands boðar.
Herdís Þorgeirsdóttir, forsetaframbjóðandi, heimsótti Austurland á dögunum. Á hraðri yfirferð um byggðakjarna Austurlands kom hún víða við og heimsótti fyrirtæki og stofnanir. Austurglugginn fylgdist með Herdísi er hún var stödd í ALCOA Fjarðaál á föstudaginn sl.
Hreindýraveiðitímabilið hófst í gær en fram að mánaðarmótum er aðeins heimilt að fella tarfa. Sá fyrsti náðist í Breiðdal.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.