Lögreglan á Austurlandi hefur tekið í notkun nýja bifreið sem ætluð er sérstaklega til landamæravörslu í umdæminu. Bifreiðin hlaðin ýmsum þeim tækjabúnaði sem ekki finnst venjulega í hefðbundnum lögreglubifreiðum.
Starfsfólki Síldarvinnslunnar í Neskaupstað var brugðið mjög þegar komið var til vinnu í morgun en þá hafði óprúttinn einstaklingur eða einstaklingar gert sér að leik að spæna upp gróin svæði við fyrirtækið með utanvegaakstri í nótt. Bifreið var einnig ekið inn á endurnýjaðan gervigrasvöll heimamanna að næturlagi en engar skemmdir virðast hafa orðið á vellinum.
Sveitarfélagið Fjarðabyggð mælist neðst í könnun á almennri ánægju starfsfólks sem tíu bæjarstarfsmannafélög Bandalags starfsmanna ríkis og bæja (BSRB) stóðu fyrir í samvinnu við Gallup meðal 22 sveitarfélaga landsins.
Gengið var frá ráðningu nýs slökkviliðsstjóra Slökkviliðs Fjarðabyggðar fyrir skömmu en fyrir valinu varð Ingvar Georg Georgsson. Fjórir einstaklingar sóttu um stöðuna.
Töluverð vandræði hafa hlotist af bíleigendum sem lagt hafa bílum sínum á athafnasvæði rútufyrirtækisins Sæti við flugvöllinn á Egilsstöðum til að losna við að greiða bílastæðisgjöld við flugstöðvarbygginguna sjálfa.
Íbúar og gestir í Hallormsstað hafa nú þurft að sjóða allt sitt neysluvatn um tæplega mánaðar skeið eftir að sýnatökur úr neysluvatni á staðnum sýndu þar kólígerlamengun í síðasta mánuði. Illa gengur að komast fyrir mengunina.
Alls 41 austfirsk fyrirtæki komast á nýbirtan lista Creditinfo yfir Framúrskarandi fyrirtæki ársins 2024 en uppfylla þarf fjölda strangra skilyrða til að komast á listann þann.
Verkmenntaskóli Austurlands (VA) hlaut í gærkvöldi Íslensku menntaverðlaunin 2024 fyrir framúrskarandi iðn- eða verkmenntun. Skólastjórinn og aðstoðarskólastjórinn tóku við viðurkenningu vegna þess við formlega athöfn á forsetasetrinu að Bessastöðum.
Hópur erlendra ferðamanna óskaði eftir aðstoð björgunarsveita um klukkan 18 í gærkvöldi eftir að þau villtust í gönguferð á Fljótsdalsheiði. Fólkið fannst fljótt og vel eftir að björgunarsveitir komu á staðinn.
Nýopnuð ábendingargátt á vef Múlaþings skal eftirleiðis auðvelda íbúum sveitarfélagsins til muna að koma hvers kyns ábendingum á framfæri við svið,ráð og stjórnir sveitarfélagsins.
Allir sem hyggja á bílferðir í fyrramálið ættu að hugsa sig tvisvar um með tilliti til viðvarana sem Veðurstofa Íslands hefur gefið út. Stormi er spáð snemma í fyrramálið um Austurland allt og mun víðar í landinu.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.