Staða íbúðauppbyggingar á Austurlandi er ekki nógu góð að mati Húsnæðis- og mannvirkjastofnunar (HMS.) Í liðnum september voru 114 íbúðir í byggingu í fjórðungnum en fjöldinn þyrfti að vera kringum 180 til að mæta þörfinni.
Mikill fjöldi ábendinga barst yfir helgina um hugsanlegan ökumann bifreiðar sem spændi illa upp stór gróin svæði á athafnasvæði Síldarvinnslunnar aðfararnótt föstudagsins í síðustu viku. Enginn gefið sig fram þrátt fyrir áköll þess efnis og málið nú komið á borð lögreglu.
Ellefu dagar eru nú liðnir síðan Heilbrigðiseftirlit Austurlands (HAUST) hóf innheimtu dagssekta á fyrirtækið Móglí ehf. vegna mikillar olíumengunar á tveimur lóðum þess á Eskifirði. Enn hefur fyrirtækið í engu brugðist við.
Hópur erlendra ferðamanna óskaði eftir aðstoð björgunarsveita um klukkan 18 í gærkvöldi eftir að þau villtust í gönguferð á Fljótsdalsheiði. Fólkið fannst fljótt og vel eftir að björgunarsveitir komu á staðinn.
Íbúum Austurlands, frá Vopnafirði til Djúpavogs, hefur fjölgað um alls 190 einstaklinga frá áramótum. Mest í Fjarðabyggð en sveitarfélagið Múlaþing heldur þó enn titlinum fjölmennasta sveitarfélagið.
Lögreglan á Austurlandi hefur tekið í notkun nýja bifreið sem ætluð er sérstaklega til landamæravörslu í umdæminu. Bifreiðin hlaðin ýmsum þeim tækjabúnaði sem ekki finnst venjulega í hefðbundnum lögreglubifreiðum.
Starfsfólki Síldarvinnslunnar í Neskaupstað var brugðið mjög þegar komið var til vinnu í morgun en þá hafði óprúttinn einstaklingur eða einstaklingar gert sér að leik að spæna upp gróin svæði við fyrirtækið með utanvegaakstri í nótt. Bifreið var einnig ekið inn á endurnýjaðan gervigrasvöll heimamanna að næturlagi en engar skemmdir virðast hafa orðið á vellinum.
Samvinnufélag útgerðarmanna í Neskaupstað (SÚN) afhenti sveitarfélaginu Fjarðabyggð tvær stórar, þýðingarmiklar gjafir með formlegum hætti í síðustu viku á sérstökum fundi bæjarráðs með forsvarsmönnum félagsins. Þar um að ræða stórendurbættan knattspyrnuvöll og nýjan heitapott í Stefánslaug.
Ása Sigurlaug Harðardóttir hefur verið ráðin nýr skólastjóri Grunnskóla Fáskrúðsfjarðar frá og með áramótum. Hún leysir af þá tvo skólastjóra sem stjórnað hafa skólanum frá haustinu.
Töluverð vandræði hafa hlotist af bíleigendum sem lagt hafa bílum sínum á athafnasvæði rútufyrirtækisins Sæti við flugvöllinn á Egilsstöðum til að losna við að greiða bílastæðisgjöld við flugstöðvarbygginguna sjálfa.
Íbúar og gestir í Hallormsstað hafa nú þurft að sjóða allt sitt neysluvatn um tæplega mánaðar skeið eftir að sýnatökur úr neysluvatni á staðnum sýndu þar kólígerlamengun í síðasta mánuði. Illa gengur að komast fyrir mengunina.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.