Vonast er til að framkvæmdum við stækkun fiskimjölsverksmiðju HB Granda á Vopnafirði ljúki á næstu dögum. Framleiðslugeta verksmiðjunnar vex um tæpan þriðjung af þeim lokun. Verkinu á að mestu að vera lokið á miðvikudag þegar von er á kolmunna.
Sveitarstjórn Djúpavogs heitir því að beita sér „af fullum krafti vegna þeirra hagsmuna sem í húfi eru fyrir byggðarlagið" eftir að Vísir hf. tilkynnti á föstudag að það hygðist hætta bolfiskvinnslu á staðnum.
Starfsfólk Vísis á Djúpavogi er slegið eftir að fyrirtækið tilkynnti í dag að það áformaði að hætta fiskvinnslu á staðnum frá og með 1. ágúst. Tíðindin þykja óvænt þar sem fyrirtækið hefur byggt upp í bænum síðustu ár.
Bæjarráð Seyðisfjarðarkaupstaðar harmar vinnu Fjarðabyggðar í málefnum ferjunnar Norrænu. Formaður bæjarráðs segist ekki óttast að Smyril-Line flytji starfsemi sína úr fjórðungnum ef ekki takast samningar við Fjarðabyggð.
Úrskurðarnefnd umhverfis- og auðlindamála hefur hafnað kröfu eigenda jarðarinnar Fannardals í Fannardal um að fella úr gildi nýtingarleyfi Fjarðabyggðar á vatni í landi Tandrastaða í Fannardal. Eigendur Fannardals hafa krafið sveitarfélagið um endurgjald fyrir vatnstökuna.
Austfirskir kennarar telja sig almennt þurfa á endurmenntun að halda. Fræðsla um rafrænt námsefni og nemendur með sérþarfir eru ofarlega á forgangslista þeirra.
Vísir hf. áformar að flytja alla fiskvinnslu sína í áföngum til Grindavíkur sem þýðir að vinnsla fyrirtækisins á Djúpavogi leggst af. Þar starfa um fimmtíu starfsmenn og hefur starfsemi fyrirtækisins verið hryggjarstykkið í atvinnulífi staðarins undanfarin ár. Sveitarstjórinn segir þó fleiri möguleika í staðinn og ákvörðunin nú sé tímabundið bakslag.
Börnin á leikskólanum Brekkubæ á Vopnafirði láta ekki sitt eftir liggja í brunavörnum þar á bæ. Mánaðarlega gegna þau elstu hlutverki aðstoðarslökkviliðsmanna og fara með leikskólakennara um bygginguna til að taka út brunavarnir.
Forstjóri Smyril-Line segir veginn yfir Fjarðarheiði vera þess valdandi að fyrirtækið skoði aðra áfangastaði en Seyðisfjörð fyrir ferjuna Norrænu. Ekki sé horft á viðkomustaði utan Austfjarða.
Framkvæmdastjóri sjávarútvegsfyrirtækisins Vísis segir það erfiða tilhugsun að flytja fiskvinnslu fyrirtækisins frá Djúpavogi eftir áralanga uppbyggingu þar. Starfsfólki var tilkynnt um áform fyrirtækisins í dag þótt endanleg ákvörðun liggi ekki enn fyrir. Í hönd fer samráð við nærsamfélagið um hvernig best verði að standa að breytingunum gangi þær eftir.
Litlar breytingar verða á efstu sætum framboðslista Framsóknarflokksins á Fljótsdalshéraði frá síðustu bæjarstjórnarkosningum verði tillaga uppstillingarnefndar, sem lögð var fram á félagsfundi í gærkvöldi, samþykkt. Stefán Bogi Sveinsson, forseti bæjarstjórnar, er efstur samkvæmt tillögunni.
Hafnarstjórn Fjarðabyggðar og bæjarráð samþykktu í vikunni að halda áfram viðræðum við Smyril-Line, útgerð Norrænu, um mögulegar siglingar ferjunnar til Eskifjarðar í stað Seyðisfjarðar. Bæjarstjóri segist gera sér grein fyrir að málið sé flókið en erfitt sé fyrir sveitarfélög að hafna óskum fyrirtækja um viðræður um þjónustu.