Valdimar O. Hermannsson, rekstrarstjóri Fjórðungssjúkrahússins í Neskaupstað (FSN), veitti í síðustu viku viðtöku árskortum í sundlaugar Fjarðabyggðar. Kortin eru rafræn og veita sjúklingum endurhæfingardeildar sjúkrahússins ókeypis aðgang í sundlaugar Fjarðabyggðar á meðan á meðferð stendur.
Stór hluti þess efnis sem unnið er fyrir sjónvarpsþáttinn Landann kemur af höfuðborgarsvæðinu. Fræðimaður, sem rannsakað hefur efnisval þáttarins, segir að þátturinn eigi langt í land með að fylla það skarð fyrir Austfirðinga sem myndaðist þegar reglubundnum útsendingum svæðisútvarpsins (RÚVAust) var hætt.
Feðgarnir Egill Steingrímsson og Steingrímur Jóhannsson eru að koma upp fiskvinnslu í gamla frystihúsinu á Stöðvarfirði til að vinna úr því hráefni sem landað er á staðnum og selja Austfirðingum.
Fyrsta sprenging Norðfjarðarmegin við ný Norðfjarðargöng var sprengd í gærkvöldi og nótt. Með því er hafinn eiginlegur gangagröftur í Fannardal.
Bryndís Gunnlaugsdóttir tók við sem réttindagæslumaður fatlaðra á Austurlandi af Sigurlaugu Gísladóttur þann 1. mars.
Nettó á Egilsstöðum hefur tekið aftur í sölu matarvín sem lögreglan tók úr sölu á föstudag. Skoðun lögreglu leiddi í ljós að heimilt er að selja vöruna hérlendis.
Lágt er undir rafmagnslínur víða á austfirskum heiðum eftir mikið fannfergi undanfarnar vikur. Línumenn Landsnets hafa á þriðja mánuð unnið sleitulaust að því að verja línur og gera við það sem hefur bilað.
Austfirskar sveitastjórnir gagnrýna harðlega ákvörðun Vegagerðarinnar um að fækka mokstursdögum á Möðrudalsöræfum og Vopnafjarðarheiði úr sex í tvo. Bent er á að ákvörðunin hafi neikvæð áhrif á bæði mann- og atvinnulíf í fjórðungnum.
Karlmaður á fertugsaldri var nýverið dæmdur í Héraðsdómi Austurlands í 45 daga fangelsi og sviptur ökuréttindum ævilangt fyrir að keyra undir áhrifum áfengis og kannabis.
Vegagerðin hyggst reyna að opna á milli Akureyrar, Egilsstaða og Vopnafjarðar eftir því sem tækifæri gefst næstu daga. Ekki er samt útlit að hægt verði að þjónusta á leiðunum komist í samt lag fyrr en eftir næstu helgi.Lögreglan á Egilsstöðum skoðar nú hvort áfengislög hafi verið brotin með sölu matarrauðvíns í Nettó á Egilsstöðum. Verslunarstjórinn segir að vínið hafi áður verið fjarlægt tímabundið úr íslenskum matvöruverslunum en ekki reynst innistæða fyrir að halda því þaðan.
Atvinnuástand meðal menntaðra iðnaðarmanna á Austurlandi er gott sem og atvinnuástandið almennt í fjórðungnum. Helst eru það störf sem teljast sem „hefðbundin kvennastörf" sem skortir í fjórðungnum.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.