Gítarleikarinn Svanur Vilbergsson, söngkonan Erla Dóra Vogler og flautuleikarinn Hildur Þórðardóttir halda þrenna tónleika á Austurlandi fyrir páskana á Stöðvarfirði, Norðfirði og Egilsstöðum. Efnisskráin samanstendur af blandaðri tónlist fyrir gítar, söng og þverflautu en áhersla er lögð á hljómfagra spænska tónlist.
Íbúar á Breiðdalsvík eru hvattir til að taka til hendinni og snyrta í kringum sig fyrir komandi sumar. Hreppsskrifstofan flytur á nýjan stað eftir helgi. Ráða þarf nýjan skólastjóra í grunnskólann frá og með næsta skólaári.
Leikfélag Menntaskólans á Egilsstöðum hefur nú hafið sýningar á Konungi Ljónanna í leikstjórn Unnars Geirs Unnarssonar. Með aðalhlutverk fara meðal annars Ásbjörn Þorsteinsson, Helgi Týr Tumason, Sandra Sif Karlsdóttir og Telma Lind Sveinsdóttir. Leikritið, sem flestum er kunnugt úr safni Walt Disneys, fjallar um ljónsungan Simba sem lendir í ýmsum hrakningum á leið sinni í gegn um lífið.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.