Markaðssvið Austurbrúar/Upplýsingamiðstöð Austurlands hefur gefið út nýtt kort af Austurlandi (Map of East Iceland) fyrir árið 2014-2015. Sú nýbreytni er í ár að á bakhliðinni er að finna hugmyndir að skemmtilegum dagleiðum í landshlutanum.
Út er komin bókin Of mörg orð; þroskasaga tiltölulega ungrar konu í góðæri eftir Sigríði Láru Sigurjónsdóttur. Höfundurinn heldur upp á fertugsafmæli sitt með útgáfuhófi í kvöld.
Umgengni ferðamanna í fjallaskálum hefur farið versnandi undanfarin misseri. Stöðugt færist í vöxt að dyrum og gluggum sé ekki lokað þegar hópar yfirgefa skála og hefur það leitt til stórskemmda þegar snjóar inn. Almennri umgengni og hreinlæti ferðamanna í fjallaskálum fer einnig aftur. Að ýmsu er að huga fyrir ferðalög um páska.
Kvenfélagið Björk í Hjaltastaðaþinghá stendur á morgun fyrir sinni árlegu sumargleði. Meðal skemmtiatiðra verða gamanmál, listsýning og brot úr leiksýningu.
Efnt verður til árlegrar æðruleysismessu í Stöðvarfjarðarkirkju á föstudaginn langa í samtarfi við AA fólk á Austfjörðum.
Fjölbreytt skemmtiatriði frá heimamönnum voru þungamiðjan í dagskrá skemmtikvölds sem haldið var í Valaskjálf á laugardagskvöld sem hluti af menningarvöku á Héraði sem stendur nú yfir.
KPMG er einn af aðalstyrktaraðilum Hammond-hátíðar á Djúpavogi sem hefst eftir viku. Hátíðin komst á laggirnar 2006 og var í haust tilnefnd til Eyrarrósarinnar.
Fjarðabyggð hefur nú til skoðunar hugmyndir um breytingar á nafni Hafnargötu á Fáskrúðsfirði. Við handa stendur meðal annars Franski spítalinn sem til stendur að opna í byrjun sumars sem hótel.
Norrænt rannsóknarverkefni á fjárhags-, félags- og menningarlegu virði þess framlags sem brottflutt ungt fólk leggur til við ýmis menningarverkefni og viðburði á heimaslóðum hefur hlotið 10 milljóna króna styrk frá Nordregio – Nordic Demographic Programme 2013-2014. Að verkefninu standa sveitarfélagið Vágur í Færeyjum, CRT á Borgundarhólmi, menningarráð Vesterålen og Austurbrú – Miðstöð menningarfræða. Aðeins sex verkefni hlutu styrk að þessu sinni en Norræna ráðherranefndina fjármagnar sjóðinn.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.