Seyðisfjörður og Austfirðir eru til umfjöllunar í nýlegum ferðavísi á vef breska ríkisútvarpsins BBC. Staðnum er hrósað fyrir fagra náttúru og marglituð timburhúsin þótt dálkahöfundi þyki nær ómögulegt að bera heiti staðarins fram.
Síðustu gjörningarnir í verkefninu Prjón verða fluttir í Skaftfelli á Seyðisfirði í dag og á morgun. Fimm myndlistarmenn hafa síðustu tvær vikur gert tilraunir með gjörningalistformið.
Árbók Ferðafélags Íslands 2013 fjallar að þessu sinni um Vopnafjörð, Bakkafjörð og Langanes, Þistilfjörð, Melrakkasléttu, Núpasveit, Öxarfjörð og Hólsfjöll. Afréttum og fjalllendi viðkomandi byggðarlaga er einnig lýst í árbókinni. Höfundur árbókarinnar er Hjörleifur Guttormsson.
Það var vel mætt í Sláturhúsið á Egilsstöðum á laugardagskvöldið þegar Ármann Einarsson og Brogan Davison sýndu þar dansverkið „Dansaðu fyrir mig“. Verkið hefur vakið mikla athygli enda Ármann tæplega fimmtugur tónlistarkennari sem aldrei hefur sýnt dans áður.
Dansverkið „Dansaðu fyrir mig“ verður sýnt í Sláturhúsinu á Egilsstöðum á laugardag. Verkið er sprottið upp úr draumi tæplega fimmtugs manns sem aldrei hafði stundað dans.
Austfirskar krásir – klasasamstarf matvælaframleiðenda, veitingastaða og mataráhugafólks á Austurlandi, blása til matvæladags á Hótel Héraði á morgun, fimmtudaginn 16. maí.
Háskólalest Háskóla Íslands er nú stödd á síðasta áfangastað sínum þetta vorið, Fjarðabyggð. Þessa stundina sækja nemendur í elstu bekkjum grunnskóla í Neskaupstað, á Stöðvarfirði, Reyðarfirði, Fáskrúðsfirði og Eskifirði valin námskeið í Háskóla unga fólksins í grunnskólanum í Neskaupstað. 
Margt var um manninn þegar aðalsalur Hótels Héraðs var opnaður á ný eftir gagngerar endurbætur. Fimmtán ára afmæli hótelsins var fagnað við sama tilefni.
Tæplega fjörutíu manns mættu nýverið í skógargöngu í boði foreldrafélags Hallormsstaðarskóla. Meðal annars var farið í leiki í skógarrjóðrinu sem bæði börn og fullorðnir tóku fullan þátt í.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.