Menntaskólinn á Egilsstöðum tryggði sér í gærkvöldi sæti í undanúrslitum spurningakeppni framhaldsskólanna, Gettu betur, með 24-22 sigri á liði Fjölbrautaskólans í Garðabæ. ME hafði yfirhöndina allan tímann þótt litlu munaði að illa færi í lokin.
Impra á Nýsköpunarmiðstöð Íslands gengst nú í fjórtánda sinn fyrir svokölluðum Brautargengisnámskeiðum á landsbyggðinni. Skráningarfrestur á námskeiðið rennur út í dag. Í vor er áætlað að halda námskeiðið á tveimur stöðum á landinu, Austurlandi og Akureyri. Alls hafa um átta hundrað konur víðs vegar um land lokið Brautargengisnámskeiði frá upphafi.
Bjarni Thor Kristinsson bassasöngvari og Ástríður Alda Sigurðardóttir píanóleikari feta sig niður tónstigann í leit að djúpum bassanótum og merkingu þeirra á tónleikum í Kirkju- og menningarmiðstöðinni í Fjarðabyggð í kvöld. Á dagskránni eru aríur, ljóð og sönglög sem stefna niður á við og rista djúpt.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.