Hjólreiðakeppnin Tour de Ormurinn er orðin að árlegum viðburði á Héraði og á morgun er keppnin haldin í fjórða sinn. Austurfrétt hitti á Hildi Bergsdóttur, framkvæmdastýru UÍA og forvitnaðist um keppnina, sem UÍA stendur að ásamt Fljótsdalshéraði og Austurför.
Í kvöld kemur í ljós hvaða lið mætast í úrslitum bikarkeppni UÍA og Launafls í knattspyrnu, en þá fara undanúrslit bikarsins fram. Á Fellavelli taka Spyrnismenn á Boltafélagi Norðfjarðar og á Búðagrund mætast heimamenn í Leikni B og Ungmennafélag Borgarfjarðar.
Leiknir og Huginn áttu leiki í 2. deild karla í gærkvöldi. Leiknismenn lentu í vandræðum með KF í Fjarðabyggðarhöllinni en náðu þó að sigra og á sama tíma unnu Seyðfirðingar þægilegan útisigur gegn botnliði deildarinnar, Dalvík/Reyni. 
Keppnin um Austfjarðatröllið hefst í dag og stendur fram á laugardag, en þar etja sterkustu menn landsins kappi við hrikalegar aflraunir.
Egilsstaðabúinn Hjálmar Jóelsson varð um helgina elstur þeirra sem lokið hafa svokallaðri landvættaþraut, sem felst í að ljúka fjórum þolíþróttakeppnum á sama árinu. Hann segist hafa gaman af félagsskapnum í kringum keppnirnar.
Ungmenna- og íþróttasamband Austurlands hefur undanfarnar vikur leitað ungmenna á aldrinum 15-25 ára til að fara til Ungverjalands í september og taka þátt í samstarfsverkefni UÍA við ungverskt ungmennafélag. Verkefnið er styrkt af Evrópu unga fólksins og reiknað er með því að þátttaka verði þátttakendum að mestu leyti að kostnaðarlausu.
Fjarðabyggð vann mikilvægan sigur í toppbaráttu C-riðils 1. deildar kvenna í gærkvöldi. Þá tryggðu Spyrnir og Leiknir B sér sæti í úrslitum Launaflsbikarsins með sigrum á Boltafélagi Norðfjarðar og Ungmennafélagi Borgarfjarðar. 
Það var nóg að gerast í austfirskri knattspyrnu um helgina. Kvennalið Fjarðabyggðar steig skref í átt að úrslitakeppninni í C-riðli 1. deildar með góðum útisigri gegn Tindastól, Hattarmenn gerðu nágrönnum sínum í Leikni og Huginn stóran greiða þegar þeir unnu óvæntan sigur gegn ÍR á heimavelli og Fjarðabyggð gerði jafntefli gegn Þór á Eskjuvelli, í leik sem bæði lið hefðu helst þurft að vinna til að nálgast topplið 1. deildar karla.
Fjarðabyggð, Leiknir og Einherji léku í sínum deildum í gærkvöldi. Fjarðabyggð náði ótrúlegu jafntefli gegn Fram á Eskjuvelli í einum skemmtilegasta leik sem Austurfrétt hefur séð í sumar og Leiknismenn lentu í örlitlum vandræðum gegn neðsta liði annarar deildar en höfðu þó sigur að lokum.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.