Engin ummerki hafa fundist um myglusvepp á leikskólanum Skógarlandi á Egilsstöðum. Þeirra hefur þó verið leitað þar sem skólinn var byggður af ÍAV líkt og hverfið Votihvammur þar sem ráðast þarf í endurbætur á hverri einustu íbúð.
Læknar á heilsugæslustöðvunum á Egilsstöðum og Reyðarfirði hafa ekki orðið varir við aukna komu sjúklinga í tilvikum sem rekja megi til myglu í húsum. Erfitt getur samt verið að greina nákvæmlega hvaða tilvik megi rekja til heilsuspillandi húsnæðis.
Vegurinn yfir Fjarðarheiði milli Héraðs og Fljótsdalshéraðs var opnaður um kaffileytið í dag en hann hafði þá verið ófær síðan á laugardagskvöld. Dýpstu skaflarnir teygja sig í fjögurra metra hæð og á köflum er nær að tala um snjógöng frekar en veg.
Fjöldi þorrablótsgesta er enn veðurtepptur á Seyðisfirði en þar blótuðu menn þorra á laugardagskvöld. Hljómsveitin er enn í bænum og sló upp aukaballi í kvöld. Seyðfirðingar eru almennt rólegir en margir þeirra hafa ekki getað sótt vinnu í vikunni. Formaður björgunarsveitarinnar segist mestar áhyggjur hafa ef koma þurfi sjúklingi yfir Fjarðarheiðina.
Útlit er fyrir að skipta þurfi um þök í öllum íbúðum í Votahvammi á Egilsstöðum og nokkrum húsum á Reyðarfirði sem ÍAV byggði fyrir nokkrum árum. Ekki er búið að gera út um hver beri skaðabótaábyrgð af aðgerðunum. Eigendur húsanna gætu staðið frammi fyrir umtalsverðu fjárhagslegu tjóni. Borgarafundur verður haldið um málið á Egilsstöðum í kvöld.
Sjúkrabíll í umsjá slökkviliðs Fjarðabyggðar var sólarhring í útkalli í byrjun vikunnar þar sem hann tepptist í Neskaupstað sökum ófærðar. Slökkviliðsstjórinn segir þetta þann lengstra sjúkraflutning sem liðið hafi farið í.
Nokkuð er farið að bera á vöruskorti í verslunum í Neskaupstað en ófært hefur verið yfir Oddsskarð síðan á sunnudag. Mjög hvasst var í bænum aðfaranótt sunnudags. Snjóflóðahætta er á Austfjörðum enda mikil ofankoma verið síðustu daga.
Málefni íbúa í húsum á Egilsstöðum og Reyðarfirði, þar sem greinst hefur myglusveppur, hefur verið rætt í sérstakri samráðsnefnd sem hefur yfirumsjón með nauðsynlegum aðgerðum til að meta og uppræta umhverfisþætti sem ógnað geta heilsu manna.
Vegagerðin biður vegfarendur um Oddsskarð og Fjarðarheiði að sýna sérstaka aðgát við akstur. Fjallvegirnir tveir eru víða einbreiðir vegna snjóa síðustu daga og útmokstur stendur yfir. Fært er um allar helstu leiðir á Austurlandi en víða hált.
Björgunarsveitin Gerpir ferjaði í dag þrjá sjúklinga frá Fjórðungssjúkrahúsinu í Neskaupstað yfir á Eskifjörð í fylgd snjóblásara og fór með aðra þrjá til baka. Birgðastaðan á sjúkrahúsinu er enn ágæt þrátt fyrir þriggja daga ófærð yfir Oddsskarð. Nemendur Verkmenntaskólans sem ekki hafa komist í skólann nálgast námsefni í gegnum fjarkennsluvef.
