Landsnet varar ferðafólk enn við hættu sem stafar af því að vera á ferð við háspennulínur á hálendinu. Þar sem ástandið er verst hefur verið gripið til þess ráðs að moka, eða ryðja frá línum og setja upp merkingar.
Ríkisstjórnin ætlar að svo komnu máli ekki að beita sér í málum sjávarútvegsfyrirtækisins Vísis, sem hyggst meðal annars hætta bolfiskvinnslu á Djúpavogi í sumar. Útlit er fyrir að 25-35 starfsmenn missi vinnuna á stærsta vinnustað sveitarfélagsins. Oddviti vinstri grænna í Norðausturkjördæmi segir höggið verða af slíkri stærðargráðu að stjórnvöld hljóti að láta til sín taka.
Trúnaðarmaður starfsmanna hjá Vísi hf. á Djúpavogi kallar eftir aðgerðum ríkisstjórnarinnar eftir að tilkynnt var um að til standi að leggja af bolfiskvinnslu fyrirtækisins á staðnum. Hann óttast að aðgerðirnar hafi keðjuverkandi áhrif.
Náttúrustofa Austurlands sækist eftir myndum af þríhyrndum hreindýrstarfi sem sást neðan við Gunnlaugsstaði á Völlum í morgun. Sérfræðingur hjá stofunni segir fyrirbrigðið einstakt.
Í húsnæði sem áður hýsti starfsemi í tengslum við útgerð á Stöðvarfirði eru nú saumaðar ábreiður á vírarúllur fyrir Alcoa Fjarðaáls. Tveir starfsmenn sinna verkinu að jafnaði.
Straumhvörf urðu í íslenskri skógrækt í síðustu viku þegar skógarhöggsvél af gerðinni Gremo kom til landsins með Norrænu. Sænskir kennarar fylgdu vélinni til landsins til að kenna nýjum eigendum réttu handtökin.
Hundaeigendur á Egilsstöðum geta valdið hættu með því að láta hunda sína hlaupa lausa í nágrenni við flugbrautina. Fuglar sem fælast undan þeim fljúga fyrir flugvélar sem getur verið stórhættulegt.
Flugfélag Íslands býður í dag Austfirðingum tilboðsverð á flugi á milli Reykjavíkur og Egilsstaða. Umdæmisstjóri Flugfélagsins segir það með þessu vilja koma til móts við Austfirðinga sem þrái vorið eftir snjóþungan vetur.
Nýr bátur bættist í flota Borgfirðinga þegar Fálkatindur kom til hafnar í fyrsta skipti upp úr klukkan sjö í morgun. Eigandinn Kári Borgar lýsir bátnum sem glæsilegu skipi.
Hógvær og friðsöm fréttastefna var almennt í fyrirrúmi á austfirsku svæðisblöðunum frekar en ágengni og aðhaldssemi þótt þau hafi einnig reynt að sinna því hlutverki. Ákveðið tómarúm hefur skapast í austfirskri fjölmiðlun eftir að útsendingum svæðisútvarpsins var hætt.
Bæjarfulltrúarnir Sigrún Blöndal, Árni Kristinsson og Ragnhildur Rós Indriðadóttir skipa þrjú efstu sætin á lista Héraðslistans, samtaka félagshyggjufólks á Fljótsdalshéraði. Listinn var samþykktur á bæjarmálafundi í gærkvöldi.
Guðmundur Þorgrímsson, bæjarfulltrúi Framsóknarflokksins í Fjarðabyggð, gefur ekki kost á sér til endurkjörs í bæjarstjórn fyrir sveitarstjórnarkosningarnar í vor. Hann skipar heiðurssætið á listanum sem Jón Björn Hákonarson, forseti bæjarstjórnar, leiðir.