Kammerkór Egilsstaðakirkju undir stjórn Torvalds Gjerde heldur vortónleika sunnudaginn 21. apríl næstkomandi. Kórinn flytur þá ásamt hljómsveit heimamanna Te deum eftir franska barokktónskáldið Charpentier og mun það vera frumflutningur á verkinu á Íslandi. 
Karlakórinn Heimir hefur frestað þeim tvennu tónleikum sem hann hugðist halda á Austurlandi um helgina vegna veikinda.
Austurfrétt og Austurbrú í samvinnu við SÚN, standa fyrir fyrirlestri um auglýsingar stjórnmálahreyfingar í starfsstöð Austurbrúar í Neskaupstað á miðvikudagskvöld. Yfirskriftin er „Við verðum annað hvort að elska hvert annað eða deyja“ sem er tilvitnun í fræga bandaríska stjórnmálaauglýsingu frá sjöunda áratug aldarinnar sem leið.
Göngum, göngum hópurinn á Seyðisfirði stendur fyrir göngu yfir Fjarðarheiði á sunnudag til að minna á kröfu Seyðfirðinga um veggöng undir heiðina. Gangan er einnig hluti af hátíðarhöldum í tilefni af 100 ára afmæli íþróttafélagsins Hugins.
Árleg kaffisala og æskulýðsmessa æskulýðsfélagsins Kýros á Vopnafirði verður haldin á sunnudag klukkan 15:00 í Vopnafjarðarkirkju. Ágóði af kaffisölunni að þessu sinni rennur til styrktar börnum á Indlandi.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.