Náttúrufræðingurinn Helgi Hallgrímsson segir meira hugsað um ferðamenn
heldur en náttúruna í Vatnajökulsþjóðgarði. Gestastofan á Skriðuklaustri
er til marks um það. Öfgahópar í báðar áttir geri það að verkum að
náttúruvernd á Íslandi hafi ekki verið jafn illa stödd í áratugi.
Síldarvinnslan hf. hlaut í ár Varðbergið, forvarnaverðlaun
Tryggingamiðstöðvarinnar (TM). Verðlaunin, sem veitt hafa verið frá
árinu 1999, eru veitt þeim viðskiptavini TM sem þykir skara fram úr á
sviði forvarna gegn óhöppum os slysum.
Hálfdán Björnsson frá Kvískerjum varð um helgina fyrstur til að hljóta
Bláklukkuna, viðurkenningu Náttúruverndarsamtaka Austurlands (NAUST),
sem veitt er fyrir störf í þágu náttúruvísinda og náttúruverndar á
Austurlandi. Hálfdán hefur verið einn fremsti fræðimaður Íslands í
fugal- og skordýrafræðum þrátt fyrir að hafa aðeins hlotið takmarkaða
menntun.
Niðurstaðna úr mælingum á magni díoxíns í jarðvegi við álverið í
Reyðarfirði er að vænta seinni part júnímánaðar. Sýnataka hefur staðið
yfir seinustu tvær vikur víða um land í átaki Umhverfisstofnunar.
Úrkomumet voru slegin víða á Austurlandi í síðastliðnum maímánuði. Kuldamet var sett á Brúarjökli.
Snjó fór að kyngja niður víða á Austurlandi, einkum inn til landsins,
upp úr hádegi í dag. Heldur dró úr úrkomunni undir kvöld en vetrarlegt
er víða um að litast.
Bleikjuveiði hefur minnkað í Lagarfljóti eftir að Kárahnjúkavirkjun kom
til skjalanna. Vísbendingar eru um að auknu gruggi í fljótinu sé um að
kenna. Annars staðar hafa myndast nýjar veiðilendur með í kjölfar
vatnaflutninga.
Hópur áhugamanna á Seyðisfirði hefur hrundið af stað söfnun fyrir
stofnfé álkaplaverksmiðju. Seyðfirðingar eru óánægðir með framtaksleysi
Framtakssjóðs Íslands sem ekki vildi styðja við uppbyggingu
verksmiðjunnar.
Bæjarstjórn Fjarðabyggðar mótmælir báðum frumvörpum sjávarútvegs- og
landbúnaðarráðherra um breytingar á kvótakerfinu. Hún lýsir áhyggjum
sínum af áhrifum þess á atvinnulíf í sveitarfélaginu.
Hlauparnir í áheitahlaupinu „Meðan fæturnir bera mig“ komu í Egilsstaði í dag í slyddu og roki. Austfirðingar hafa tekið vel á móti hópnum og hlaupið með á nokkrum köflum. Hlaupið er til styrktar Styrktarfélagi krabbameinssjúkra barna hringinn í kringum landið.
Aflaheimildir í Fjarðabyggð munu skerðast um rúm þrettán þúsund
þorskígildistonn á ári miðað við tillögur ríkisstjórnarinnar um
breytingar á kvótakerfinu. Eitt hundrað störf gætu tapast úr
fjórðungnum. Útvegsmenn vilja að stjórnvöld setjist niður með þeim sem
hagsmuna eiga að gæta í greininni og finni sameiginlega lausn.
Humarvertíðin hófst 10. apríl og er leyfilegt að veiða 2300 tonn en
vertíðin stendur fram á haust. Kvóti Skinneyjar Þinganess á Höfn í
Hornafirði er um 650 tonn og segir Ásgeir Gunnarsson útgerðarstjóri að
veiðarnar hafi gengið vel til þessa.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.