Bæjarfulltrúar í Fjarðabyggð saka Arion-banka um hafa svikið heiðursmannasamkomulag í tengslum við sölu á Hafnargötu 6 á Reyðarfirði. Þeir hafi verið í viðræðum um kaupin en frétt það svo utan úr bæ að eigin væri seld.
Tekist var á um hvort rétt væri að eigna Sjálfstæðisflokknum heiðurinn af ört minnkandi skuldum Fjarðabyggðar á opnum framboðsfundi á Fáskrúðsfirði í gærkvöldi.
Bárður Jónasson, oddviti Vopnafjarðarhrepps, segir mikla atvinnumöguleika felast í mögulegri umskipunarhöfn í Finnafirði fyrir sveitarfélögin á Norðausturlandi. Formlegur samningur á milli Bremenports, Langanesbyggðar, Vopnafjarðarhrepps og verkfræðistofunnar EFLU um rannsóknir á svæðinu var undirritaður í dag.
Fulltrúar Fjarðalistans í bæjarstjórn Fjarðabyggðar saka meirihlutann um að draga lappirnar í jöfnun gjaldskrár fyrir almenningssamgöngur í sveitarfélaginu. Bæjarfulltrúar meirihlutans segja aftur á móti að reikna þurfi út afleiðingar og kostnað áður en það verði gert.
Úrskurðanefnd umhverfis- og auðlindamála hefur til meðferðar kæru þriggja íbúa á Reyðarfirði út af starfsleyfi Gámaþjónustu Austurlands í miðbæ staðarins. Íbúarnir telja starfsleyfið ekki samræmast gildandi aðalskipulagi.
Einar Már Sigurðsson, sem skipar fjórða sætið á lista Fjarðalistans í Fjarðabyggð, segir það slæmt ef íbúar telja sig hafa orðið utanveltu eftir sameiningu sveitarfélaga. Rætt var um forgangsröðun á milli byggðakjarnanna og íbúalýðræði á framboðsfundi á Stöðvarfirði í gærkvöldi.
Tugir ferðalanga keyrðu framhjá Inga Ragnarssyni á meðan hann beið eftir sjúkrabíl eftir að hann lenti út af veginum yfir Fagradal í gærmorgun.
Ragnar Sigurðsson var kjörinn formaður Félags opinberra starfsmanna á Austurlandi (FOSA) á aðalfundi félagsins fyrri skemmstu. Hann segir mikilvægt að efla hagsmunabaráttu félagsins, efla menntunarsjóði og auka sýnileika félagsins.
Heilbrigðis-, umhverfis- og skipulagsmál voru kjósendum á Fáskrúðsfirði ofarlega í huga á opnum framboðsfundi þar í gærkvöldi. Þeir lýstu meðal annars vonbrigðum sínum með að ekki væri læknir með fasta búsetu á staðnum og ótta við að sjúkrabifreið yrði tekin þaðan vegna niðurskurðar hjá Heilbrigðisstofnun Austurlands.
Djúpavogshreppur, með stuðningi AFLs starfsgreinafélags, hefur látið gera myndband þar sem kallað er eftir viðbrögðum stjórnvalda við fyrirhuguðum brottflutningi á bolfiskvinnslu Vísis frá staðnum.
Jens Garðar Helgason, formaður bæjarráðs Fjarðabyggðar, telur ólíklegt að hugmyndir Smyril-Line um að flytja siglingar ferjunnar Norrænu til Seyðisfjarðar verði að veruleika. Frambjóðendur segja að ekki verði ráðist í hafnarframkvæmdir fyrir ferjuna nema arðsemi af þeim verði tryggð.
Héraðsdómur Austurlands dæmdi nýverið karlmann á þrítugsaldri í 30 daga skilorðsbundið fangelsi fyrri að hafa í hótunum við lögreglumenn við skyldustörf. Hann var hins vegar sýknaður af því að hafa reynt að kýla og sparka í þá.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.