Sveitarstjóri Múlaþings, Björn Ingimarsson, heimsótti fyrr í vikunni fjögur börn af þeim átta alls sem fæðst hafa á Seyðisfirði í ár og leysti þau út með gjöfum frá sveitarfélaginu. Önnur heimsókn til hinna fjögurra stendur fyrir dyrum.
Á morgun opnast, sextánda árið, dyr hins sívinsæla árlega jólamarkaðar skógarbænda á Héraði, Jólakattarins, á milli klukkan 11 og 16. Að þessu sinni er markaðurinn á nýjum stað.
Hún er ekki nýgræðingur í tónlist á neinn hátt enda dundað við slíkt mörg síðustu árin með ágætum árangri. Aldrei áður hefur hún þó toppað vinsældalista Rásar 2 eins og hún gerði á laugardaginn var.
Það var ekki laust við bros á vörum þeirra sem fundu læðuna Fluffy á gámasvæðinu á Reyðarfirði seint í síðasta mánuði en hennar hafði þá verið saknað af eigandanum um fjögurra mánaða skeið. Ekki aðeins fannst Fluffy sjálf heldur og nýgotinn kettlingur hennar.
Eldheitir áhugamenn um skautaíþróttina hafa nú tekið sig saman á Vopnafirði og útbúið fyrirtaks skautasvell á sparkvelli bæjarins og þar skal dansað á svellinu svo lengi sem frost verður í lofti.
Á sunnudaginn kemur verður blásið í alvöru jólaball hjá sunnudagaskóla Seyðisfjarðarkirkju en þar skal fagna hátíðinni með bravúr í safnaðarheimili kirkjunnar að kirkjustund lokinni. Heil hljómsveit mætir á staðinn auk rauðklæddra sveina af fjöllum auk annars en undirbúningurinn ekki alveg verið sáraeinfalt mál að sögn sóknarprestsins.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.