Sjálfstæðis-flokkurinn tapar manni og meiri- hluta á Seyðisfirði
Sjálfstæðisflokkurinn, sem var með hreinan meirihluta í bæjarstjórn Seyðisfjarðar á því kjörtímabili sem er að ljúka, tapar einum manni og þar með meirihlutanum.
Sjálfstæðisflokkurinn vinnur mann af Fjarðalistanum
Sjálfstæðisflokkurinn er orðinn stærstur í bæjarstjórn Fjarðabyggðar eftir að flokkurinn fékk fjóra menn kjörna. Fjarðalistinn tapaði manni. Minni kjörsókn en í síðustu kosningum vekur athygli en hún var 73,25%, tæpum 7 prósentustigum minni en við seinustu kosningar.
Talningu atkvæða í hreppsnefndarkosningum Borgarfjarðarhrepps er lokið
Ný hreppsnefnd Borgarfjarðarhrepps hefur litið dagsins ljós en Borgfirðingar voru fljótastir manna að kjósa og telja. Á kjörskrá voru 106. Alls kusu 71 og þar af var 1 seðill auður. Kosningaþátttaka var því 66,98%
Kjörsókn fer hægt af stað á Borgarfirði eystri
Tuttugu manns höfðu kosið í sveitarstjórnarkosningunum á Borgarfirði eystri nú um hádegið að sögn Björns Aðalsteinssonar formanns kjörstjórnar. Þrír gefa ekki kost á sér til setu í hreppsnefndinni.
Meirihluti Héraðslistans og Sjálfstæðisflokks á Fljótsdalshéraði fallinn
Meirihluti Sjálfstæðisflokksins og Héraðslistans á Fljótsdalshéraði er fallinn. Fækkað er um tvo fulltrúa í bæjarstjórn og sú fækkun er á kostnað Sjálfstæðisflokksins sem fer úr þremur bæjarfulltrúm í einn.
Jóhann fékk flest atkvæði í Fljótsdal
Jóhann Þórhallsson fékk flest atkvæði í Fljótsdalshreppi en ný sveitarstjórn var kosin þar í dag. Lárus Heiðarsson kemur nýr inn í sveitarstjórn.
Kosningarnar á Agl.is
Fréttavefurinn Agl.is fylgist með tíðindum frá austfirskum talningarstöðum í kvöld og birtir nýjustu tölurnar þegar þær berast. Búast má við tvennum tölum frá Fljótsdalshéraði og Fjarðabyggð en lokatölum úr öðrum sveitarfélögum.
K og B mælast best á Vopnafirði
K-listi og B-listi njóta mestrar hylli á Vopnafirði. Þetta kemur fram í netkönnun vefmiðilsins Vopnafjordur.is .Framsókn fékk flest atkvæði á Vopnafirði
Talningu atkvæða er lokið á Vopnafirði. Framsóknarflokkurinn fékk flest atkvæði þar og Félagshyggjufólk næstflest. Þessir tveir listar stóðu saman að framboði seinast og hafa verið með meirihluta.
Ánægjulegir dagar að baki
Sigrún Blöndal, oddviti Héraðslistans, segir ánægjulega kosningabaráttu að baki hjá framboðinu þar sem víða hafi verið komið við. Hún segir margt spennandi að gerast á Fljótsdalshéraði og íbúar séu „býsna bjartsýnir þrátt fyrir erfiða tíma.“ Skólamál brenna á fólki.
Reiknar með að margir geri upp hug sinn í dag
Stefán Bogi Sveinsson, oddviti framsóknarmanna á Fljótsdalshéraði, segir að kosningabaráttan hafi harðnað í vikunni. Margir hafi verið óákveðnir og ákveði sig á seinustu stundu.
Allt getur enn gerst
Elvar Jónsson, oddviti Fjarðalistans, segir að enn geti allt gerst í kosningabaráttunni í Fjarðabyggð. Menn þeytist um og kynni sig og stefnumál sín.
