Útvarp Ormsteiti FM 103,2 á Fljótsdalshéraði fer í loftið klukkan 16:00
föstudaginn 13. ágúst. Þá verður hitað upp fyrir hverfagrillið með
léttri tónlist, spjalli auk getrauna þar sem hlustendur geta unnið sér
inn eitthvað girnilegt á grillið.
Heilbrigðisnefd Austurlands vill að stór hundur á Vopnafirði verði
aflífaður eða látinn ganga með múl þegar hann er úti. Hundurinn beit frá sér og íbúar eru sagðir hræddir við dýrið.
Auðunn Baldursson hefur safnað steinum af ástríðu í tuttugu ár. Nýlega
opnaði hann safn á Djúpavogi þar sem hann sýnir helstu gripina.
Fjárhagslegri endurskipulagningu Sparisjóðs Norðfjarðar er lokið. Nýtt stofnfé, ríflega 250 milljónir króna, kom allt úr Fjarðabyggð.
Síldarvinnslan bar tugmilljóna skaða af skemmdum sem urðu á gamla
frystihúsinu í Neskaupstað við tökur á lokaatriði kvikmyndarinnar Hafið
árið 2001, þrátt fyrir að dómur í málinu hafi fallið fyrirtækinu í hag.
Bæjarstjórn Seyðisfjarðar minnir á að samkvæmt úttekt Euro RAP á íslenska vegakerfinu sé vegurinn yfir Fjarðaheiði einn hættulegasti vegur landsins. Slysahætta er sögð mikil á veginum. Bæjarstjórnin vill að göng undir heiðina verði sett á samgönguáætlun strax í haust.
Fjórtán ökumenn voru teknir fyrir of hraðan akstur í umdæmi
lögreglustjórans á Seyðisfirði um helgina.
Nemendur í Vinnuskóla Fljótsdalshéraðs byrjuðu í gær að þrífa tjörnina í Tjarnargarðinum á Egilsstöðum. Verkið heldur áfram næstu daga. Nemendurnir taka gras upp úr ytri enda tjarnarinnar og fleira sem ekki á að vera í henni.
Bæjarhátíðin Franskir dagar á Fáskrúðsfirði gekk vel að sögn þeirra sem Agl.is hefur rætt við. Margt fólk var á ferðinni og skemmtiatriðin fjölbreytt.
Einn Austfirðingur er á meðal 60 skattahæstu einstaklinga Íslands samkvæmt lista Ríkisskattstjóra sem birtur var í dag.Guiliano Taglini, sem skráður er til heimilis á Laugarási á Fljótsdalshéraði, er í 50. sæti listans og greiðir 34,4 milljónir króna í skatt.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.