Sorp af Héraði urðað í Breiðdal
Ljóst er að sorp frá Fljótsdalshéraði verður urðað í Breiðdal, í það minnsta tímabundið.
Ellefu í prófkjöri, sjö karlar - fjórar konur
Ellefu einstaklingar gefa kost á sér í prófkjöri framsóknarfólks á Fljótsdalshéraði, sem fram fer laugardaginn 6. mars næstkomandi. Alls fjórar konur gefa kost á sér, og sjö karlmenn. Í prófkjörinu gefur enginn af sitjandi bæjarfulltrúum flokksins, þau Björn Ármann Ólafsson, Anna Sigríður Karlsdóttir og Jónas Guðmundsson, kost á sér í efstu sæti.
Samfylkingin fundar á Eskifirði í kvöld
Samfylkingin stendur fyrir fundi á Eskifirði í kvöld. Framsögumenn eru þingmennirnir Sigmundur Ernir Rúnarsson, Jónína Rós Guðmundsdóttir og Valgerður Bjarnadóttir.
Loðna til Fáskrúðsfjarðar
Nú stendur yfir löndun úr síðasta norska skipinu sem kom með loðnu til Fáskrúðsfjarðar á þessari vertíð. Alls verður nú landað 3.600 tonnum úr fjórum norskum skipum.
Nauðungasala auglýst á 56 íbúðum
Enbætti Sýslumannsins á Seyðisfirði auglýsir í Morgunblaðinu í dag, fyrsta uppboð á 56 íbúðum í þremur blokkum við Kaupvang 41 til 45 á Egilsstöðum. Uppboð munu byrja á skrifstofu embættisins, mánudaginn 15. febrúar næstkomandi klukkan 14:00.Dæmdur til að greiða skaðabætur vegna líkamsárásar
Karlmaður á þrítugsaldri hefur verið dæmdur til að greiða tæplega 3,5 miljónir í skaðabætur vegna alvalegrar líkamsárásar á Seyðisfirði í október árið 2007.Framboðsmál í deiglunni
Framboðsmál stjórnmálaaflanna í Fjarðabyggð vegna bæjarstjórnarkosninganna á vori komandi eru nú í deiglunni. Ljóst er að tíminn til kosninga styttist óðum og tíminn til að raða fólki á framboðslistana er ekki ótakmarkaður.Stefán Bogi tekur slaginn í Austrakjallaranum
Stefán Bogi Sveinsson, framkvæmdastjóri UÍA, tilkynnti í morgun um framboð sitt í prófkjöri Framsóknarflokksins á Fljótsdalshéraði fyrir komandi bæjarstjórnarkosningar. Þetta tilkynnti hann félögum sínum á reglulegum laugardagsfundi Framsóknarmanna í Austrakjallaranum á Egilsstöðum. Stefán sækist eftir fyrsta sæti á lista Framsóknarflokksins.
"Það er komin veruleg valdþreyta hjá meirihlutanum og því miður hefur það orðið of áberandi að embættismenn sveitarfélagsins ráði í raun öllu innan þess." segir Stefán Bogi meðal annars í bloggfærslu sinni um ákvörðun sína. Hann telur megi sækja fram á veginn í atvinnumálum og að sóknarfæri séu fyrir hendi þrátt fyrir að núverandi meirihluti skili ekki góðu búi.
Stefán er lögfræðingur að mennt og hefur starfað í ungliðahreyfingu Framsóknarflokksins í mörg herrans ár. Meðal annars átt sæti í stjórn ungra Framsóknarmanna. Að undanförnu hefur Stefán notið hvað mestrar hylli í spurningaliði Fljótsdalshéraðs í sjónvarpsþættinum Útsvari. Talið hefur verið tímaspursmál meðal áhugamanna um bæjarmál hvenær Stefán tilkynnti um ráðahag sinn.
Síldarvinnslan vinnur loðnu á Norðfirði og Seyðisfirði
Loðnuvinnsla Síldarvinnslunnar er hafin á Norðfirði og Seyðisfirði, bæði í bræðslu og frystingu, stefnt er að því að frysta sem mest þar til hrognatími hefst.Loðnuvinnslur í startholunum
Fyrirtæki sem stunda vinnslu úr loðnuafurðum hér eystra eru nú sem óðast að búa sig undir loðnuvertíðina. Þó hafa einhver fyrirtæki þegar hafið vinnslu, til dæmis Loðnuvinnslan á Fáskrúðsfirði og Síldarvinnslan á Norðfirði, mest þó frá norskum skipum sem eru fyrr á ferðinni vegna þess að þau mega ekki veiða sunnan 64. breiddargráðu.Keppnin um Ormsbikarinn eftirsótta
Hið árlega Ístölt Austurland verður haldið í Egilsstaðavík við Egilsstaði laugardaginn 27. Febrúar næstkomandi. Egilsstaðavíkin liggur við Lagarfljót rétt við Gistiheimilið á Egilsstöðum. Mótið hefur verið fastur liður í vetrardagskránni á Austurlandi undanfarin ár og er mest sótti hestaviðburður á Austurlandi ár hvert. Gestir, jafnt áhugamenn sem atvinnumenn, frá öðrum landshornum hafa undanfarin ár heiðrað Austfirðinga með nærværu sinni, og gert mótin að frábærri skemmtun.
Keppt verður í eftirtöldum flokkum:
Tölt unglinga
Tölt áhugamanna
Tölt opin flokkur
B-flokkur gæðinga
A-flokkur gæðinga
Fljúgandi skeið*
Skráningargjöld verða kr. 3.500,- per skráning og greiðast á staðnum. Hægt er að skrá sig á netfanginu This email address is being protected from spambots. You need JavaScript enabled to view it.
Keppt verður um Ormsbikarinn Eftirsótta í tölti opnum flokki. Sigurvegarar undanfarinna ára eru:
2009 – Tryggvi Björnsson og Júpiter frá Egilsstaðabæ
2008 – Hinrik Bragason og Skúmur frá Neðri Svertingsstöðum
2007 – Daníel Jónsson og Þóroddur frá Þóroddsstöðum
2006 – Guðmundur Björgvinsson og Taktur frá Tjarnarlandi
2005 – Leó Geir Arnarson og Börkur frá Litlu Reykjum
Keppt verður um Skeiðdrekann í A-flokki gæðinga. Sigurvegarar Skeiðdrekans síðustu árin eru:
2009 – Baldvin Ari Guðlaugsson og Freydís frá Steinnesi
2008 – Hinrik Bragason og Smári frá Kollaleiru
2007 – Þórður Þorgeirsson og Ás frá Ármóti (skeið)
2006 – Fjölnir Þorgeirsson og Lukkublesi frá Gýgjarhóli (skeið)
Keppt verður Frostrósina í B-flokki gæðinga. Sigurvegarar Frostrósarinnar hingað til eru:
2009 – Baldvin Ari Guðlaugsson og Sindri frá Vallanesi
2008 – Tryggvi Björnsson og Akkur frá Brautarholti
Athygli er vakin á því að heimamaður hefur enn ekki lyft neinum af höfuðbikurum mótsins!
*mótsstjórn áskilur sér rétt til að fella niður keppni í fljúgandi skeið ef þáttaka verður ekki nægjanleg.
Allar nánari upplýsingar vegna mótsins er að finna á heimasíðu Freyfaxa www.freyfaxi.net og fyrirspurnir má senda á This email address is being protected from spambots. You need JavaScript enabled to view it.
Mynd: Frá Ístölt Austurland í Egilsstaðavík. Ljósmynd: Jónas Gunnlaugsson.
Stórhólskindur suður í Hornafjörð
Þær 160 kindur sem teknar voru úr vörslu ábúenda á Stórhóli í Álftafirði fyrir viku eru á leið suður í Hornafjörð. Samkvæmt heimildum agl.is hefur fjárbóndi þar keypt kindurnar. Þetta varð lausn málsins að loknum fjögurra daga andmælafresti ábúenda sem rann út á mánudag.
