Ásta Hlín Magnúsdóttir, kosningastjóri Framsóknarflokksins í nýafstöðnum sveitarstjórnarkosningum í Fjarðabyggð og fyrrverandi formaður ungra framsóknarmanna, gekk úr flokknum strax eftir kosningarnar. Hún segir ástæðuna vera viðbragðaleysi forustu flokksins gegn kosningabaráttu framboðsins í Reykjavík.
Austfirsku skipin eru farin til veiða á makríl. Hjá Síldarvinnslunni í Neskaupstað hófst hún óvenju seint en beðið var eftir að makríllinn fitnaði þannig hann hentaði betur til manneldis.
Sveitarstjóri Vopnafjarðarhrepps segir bruna í einu matvörubúð staðarins hafa áhrif á alla sem þar búi og gesti þeirra. Þar standa fiskvinnslu- og ferðamannavertíðir sem hæst.
Óvissa ríkir um framtíð Austurlambs. Finna þarf nýjan umsjónarmann fyrir verkefnið og vottaða kjötvinnslu á svæðinu. Það er þó ekki útséð því forsvarsmaður Kjöt- og fiskbúðar Austurlands býður Austurlambs að nota vinnsluaðstöðu hennar án endurgjalds.
Vonir standa til að hægt verði að opna verslunina Kauptún á Vopnafirði á ný um helgina eftir að eldur kom upp á lager hennar aðfaranótt mánudags. Hreinsunarstarf hófst í gær en henda þarf öllum vörum sem þar voru. Vínbúðin, sem er í sama húsi opnar hins vegar í dag.
Útlit er fyrir að flutningaskipið Uta, sem kyrrsett hefur verið á Reyðarfirði undanfarinn mánuð, fari þaðan síðar í vikunni eftir að áhöfninni fékk ógreidd laun í dag.
Nýliðinn júnímánuður er sá næst heitasti sem mælst hefur á Egilsstöðum í þau sextíu ár sem veðurgögnum hefur verið safnað þar. Mánuðurinn var heilt yfir hlýr en úrkomusamur á sunnan- og vestanlands.
Ferðaþjónustuaðili segir fullyrðingar fjölmiðla um vætutíð og vont sumar draga úr ferðum Íslendinga innanlands. Stöðugt þurfi að vera á varðbergi til að koma á framfæri upplýsingum að sólin skíni annars staðar en á höfuðborgarsvæðinu.