Nýr vefur Þjónustusamfélagsins á Fljótsdalshéraði, visitegilsstadir.is, var opnaður fyrir skemmstu. Þar er nú í gangi könnun um ásýnd heimamanna á miðbæinn á Egilsstöðum.
Ný námskrá um Listhandverk og hönnun er komin út. Um er að ræða samstarfsverkefni Austurbrúar, Menntaskólans á Egilsstöðum og Listaháskóla Íslands. Meginmarkmið námsins er að leggja grunn að námi í nýtingu á staðbundnu hráefni sem er einkennandi fyrir Austurland.
Fundaröð frambjóðenda í þéttbýliskjörnum Fjarðabyggðar hefst á Stöðvarfirði í kvöld. Þá mætast oddvitar framboðanna þriggja í Speglinum í Ríkisútvarpinu í kvöld.
Á þriðja tug Héraðsbúa lögðu hönd á plóg við fegrun umhverfis í Fellabæ og á Egilsstöðum á samfélagsdegi á laugardag. Verkefnisstjóri segir daginn nýtast í verkefni sem annars kæmust ekki í verk.
Dale Carnegie og Vodafone bjóða foreldrum og forráðamönnum barna á ókeypis námskeið um góð samskipti á netinu í hinum stafræna heimi.
Hljómsveitin að baki plötunni „Ekki bara fyrir börn" heldur þrenna tónleika á Austfjörðum um helgina. „Áherslan verður lögð á góða fjölskyldutónleika þar sem næstum allt er leyfilegt" er yfirskrift tónleikanna.
Danshópurinn SHÄR stendur fyrir opinni vinnustofu í Sláturhúsinu á Egilsstöðum í kvöld. Markmið hópsins er að dreifa og miðla dansi til allra, alls staðar.
Þriðjudaginn 29. apríl fór fram ársfundur sjálfbærniverkefnis Alcoa Fjarðaáls og Landsvirkjunar en hann var haldinn á Hótel Héraði á Egilsstöðum. Fjöldi manns víðs vegar að á Austurlandi mætti á fundinn og á þeim tíu árum síðan verkefninu var hrint af stað hafa aldrei jafnmargir fundargestir látið sjá sig.
Á sunnudag verða liðin 125 ár frá fæðingu rithöfundarins Gunnars Gunnarssonar. Í tilefni þess efnir Gunnarsstofnun í samvinnu við Norræna húsið til afmælismálþings í Norræna húsinu frá kl. 13.30 til 17 þann dag.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.