Brotið á réttindum sakborninga?
Gísli M. Auðbergsson, lögfræðingur á Eskifirði, hefur áhyggjur af réttindum sakborninga í nýjum sakamálalögum. Hann segir að í þeim sé höggvið nærri trúnaðarsambandi sakbornings og verjanda.
Árangurslítil leit
Lögreglan á Egilsstöðum fékk liðsauka í leit að fíkniefnum í heimahúsi, ökutækjum og á vinnustað. Árangurinn varð nær enginn.
Ístak tók til
Verktakafyrirtækið Ístak slapp við aðgerðir að hálfu Heilbrigðiseftirlits Austurlands vegna umgengni á svæði fyrirtækisins við Hraunaveitu.Endurnýja samstarfssamning
Fljótsdalshreppur og Landsbanki Íslands hafa endurnýjað samstarfssamning um Verkefna-og rannsóknarsjóð Fljótsdalshrepps og Landsbankans.
Heimir næsti þjálfari Fjarðabyggðar?
Heimir Þorsteinsson er einn af þeim sem hefur verið nefndur sem næsti
þjálfari Fjarðabyggðarliðsins í knattspyrnu. Heimir stýrði liðinu í lok
tímabilsins með ágætis árangri, en undir hans stjórn tókst liðinu að
bæta varnarleik sinn sem farið hafði versnandi frá því Þorvaldur
Örlygsson sagði skilið við liðið síðasta haust.
Segir Seyðfirðinga rjúfa samstöðuna
Guðmundur Rafnkell Gíslason, forseti bæjarstjórnar Fjarðabyggðar,
segir bæjarstjórn Seyðisfjarðar hafa rofið samstöðuna um gerð jarðganga
milli þéttbýliskjarnanna á mið-Austurlandi.
Leiðrétting frá Austurglugganum
Austurglugginn vill koma á framfæri leiðréttingu á frétt sem birtist í blaðinu í dag. Fréttin fjallar um húsleit lögreglunnar sem gerð var á Egilsstöðum í síðustu viku. Í fyrirsögn fréttarinnar segir: „Fíkniefni finnast hjá eiganda Thai Thai”. Það er ekki rétt fyrirsögn, því í húsleit lögreglunnar fundust aðeins kanabisfræ og fíkniefnaáhald. Áhaldið er að sögn þess sem húsleitin var gerð hjá ýmist notað til að drýgja kanabisefni eða til tegerðar. Fíkniefnaleitin var gerð í íbúðarhúsnæði, þar sem fræin og tólið fannst, og tveimur bifreiðum samkvæmt dómsúrskurði. Lögreglan fékk heimild til leitar á veitingastaðnum með leyfi rekstraraðila staðarins.
Þess vegna er frétt Austurgluggans röng og er eigandi veitingastaðarins Thai Thai beðinn afsökunar á þessum mistökum.
Rekstraraðilar staðarins hafa gert athugasemdir við myndbirtingu Austurgluggans af veitingastaðnum.
Einar Ben Þorsteinsson ritstjóri.
