Ríkisendurskoðun telur að velferðarráðuneytið verði að standa þéttar að baki ákvörðununum yfirstjórnar Heilbrigðisstofnunar Austurlands eigi að takast að halda rekstrinum innan þess ramma sem markaður er á fjárlögum. Gera verði langtímaáætlanir og taka erfiðar ákvarðanir frekar en beita skyndilausnum á borð við aukafjárveitingar.
Útkall þyrlu Landhelgisgæslunnar á slysstað í Lóni í gærkvöldi reyndi mjög á áhöfn þyrlunnar. Einn maður lést eftir að hafa fallið af hestbaki þegar hann var á leið yfir ána. Fimm ferðafélögum hans þurfti að bjarga úr sjálfheldu af eyri í ánni.
Knattspyrnufélag Fjarðabyggðar féll í gær úr annarri deild karla eftir 2-3 ósigur gegn Aftureldingu á Eskifjarðarvelli. Þjálfarinn, Heimir Þorsteinsson, segir ógæfuna hafa elt liðið í allt sumar og það hafi ekkert breyst í gær. Hann telur hópinn það sterkan að liðið fari fljótt upp aftur en ætlar ekki að halda áfram þjálfun liðsins.
Kynningafundur Vina Vatnajökuls – hollvinasamtaka Vatnajökulsþjóðgarðs verður haldinn í fundarsal Gistihússins á Egilsstöðum miðvikudaginn 12. september klukkan 16:00.
Kvikmyndatökulið Hollívúdd-myndarinnar The Secret Life of Walter Mitty, með stórstjörnuna Ben Stiller í fararbroddi, ætlar að taka upp á Seyðisfirði á fimmtudag og föstudag. Fram kemur komið að umferð um bæinn verði takmörkuð en í bréfi til íbúa segjast skipuleggjendurnir alls ekki vera að biðja bæjarbúa um að loka sig inni.
Biskup Íslands, sr. Agnes Sigurðardóttir, segir kirkjuna alltaf hafa haft hag fólksins að leiðarljósi. Boðskapur Jesú er að hógværð skipti meira máli en sjálfsánægjan og að menn séu sannir.
Söfnin þrjú í Safnahúsinu á Egilsstöðum hafa biðlað til góðgerðarfélaga á svæðinu um stuðning við að koma upp lyftu til að flytja gesti á milli hæða. Aðeins er snarbrattur stigi upp á þriðju hæðina þar sem Bókasafn Héraðsbúa er til húsa.
Tíu ára fornleifarannsókn á rústum Skriðuklausturs í Fljótsdal er lokið. Niðurstöðurnar kollvarpa fyrirliggjandi hugmyndum um starfsemi Skriðuklausturs, sem er fyrsta íslenska klaustrið sem grafið er upp í heild sinni, og gefa nýja sýn á íslenskt klausturlíf.
