Hópur íbúa á Reyðarfirði óttast að áform um að byggja upp aksturs- og skotíþróttasvæði utan við bæinn eyðileggi skógræktarsvæði sem byggt hefur verið þar upp. Forsvarsmenn sveitarfélagins segjast hafa gefið íbúum tækifæri til að koma athugasemdum sínum á framfæri og að tillit hafi verið tekið til þeirra.
Starfsfólk úr frystihúsi Loðnuvinnslunnar á Fáskrúðsfirði segir frá kerfisbundnum samskiptavanda innan fyrirtækisins í nýjasta tölublaði Stundarinnar. Framkvæmdastjórinn segir málið litið alvarlegum augum.
Björgunarsveitin Vopni frá Vopnafirði var kölluð út rétt fyrir klukkan eitt í dag vegna vélsleðamanns sem slasaðist um 500 m frá kofanum í Aðalbóli á Vopnafjarðarheiði.
Almennt virðist hafa verið svo síðustu nótt að sumar og vetur hafi ekki frosið saman á láglendi á Austurlandi. Næturfrost mældist inn til dala og upp til fjalla.
Kári Arnór Kárason, framkvæmdastjóri lífeyrissjóðsins Stapa, tilkynnti í gær að hann væri hættur störfum þar sem hann tengdist félögum í Panamaskjölunum. Hann segir ekki rétt að forsvarsmaður lífeyrissjóðs tengist slíkum félögum.
Sparisjóður Austurlands hefur falið lögfræðingi sínum að skoða sölu bréfa sjóðsins í Borgun og meta hvort ástæða sé til aðgerða. Bréfin voru seld félagi í eigu stjórnenda Borgunar á sama gengi og bréf Landsbankans.
Íbúðalánasjóður undirritaði í gær samning við leigufélagið Heimavelli um kaup þess á 139 fasteignum af sjóðnum í einu lagi en 106 íbúðanna eru á Austurlandi. Heimavellir átti hæsta tilboðið í íbúðirnar í opnu söluferli sem hófst í desember síðastliðnum.
Til að efla samfélag og byggð á Vopnafirði, þarf að fjölga ungu fólki á aldrinum 20 – 40 ára og auka fjölbreytni í atvinnulífi. Með jákvæðum viðhorfum og samvinnu, eru Vopnfirðingum allir vegir færir.
Björgunarsveitin Bára á Djúpavogi var kölluð út í dag þegar tilkynnt var um að 11 ára erlends drengs með einhverfu væri saknað. Drengurinn, sem var á ferð með forráðamönnum sínum, hljóp frá þeim og upp í hóla ofan við Djúpavog.
Þrír starfsmenn Egilsstaðaskóla sóttu um stöðu skólastjóra sem auglýst var laus til umsóknar fyrir skemmstu. Sigurlaug Jónasdóttir, sem stýrt hefur skólanum undanfarin ár lætur af störfum eftir yfirstandandi skólaár.
Nýir einstaklingar bætast í hóp viðskiptavina Sparisjóðs Austurlands í hverri viku. Sparisjóðsstjórinn segir aukinn áhuga á sjóðnum eftir nafnabreytingu auk þess sem einstaklingar sem hafi verið í viðskiptum við sparisjóði sem runnið hafi inn í viðskiptabankana hafi leitað austur. Rekstur sjóðsins gekk vel á síðasta ári.