Á Fáskrúðsfirði er að finna lítið og skemmtilegt leyndarmál, vinnustofuna hennar Önnu Ólafsdóttur í Hruna, en þar dvelur hún löngum stundum og saumar kanínur, verndarengla og margt fleira.
Töltmót, kórtónleikar, málþing um geðheilbrigði, hlaupanámskeið, blakleikir og fimleikasýning eru meðal þess sem Austfirðingar geta fundið sér til skemmtunar um helgina.
„Göngum saman bæjarleiðir á dalnum“ er heiti gönguferða sem Jökuldælingar hafa sett á laggirnar. Hugmyndin er að íbúar dalsins og aðrir velunnarar gangi milli bæja annan hvern laugardag í vetur. Fyrsta gangan var laugardaginn 6. febrúar síðastliðinn og var gengið frá Hrólfsstöðum í Hauksstaði en um helgina var gengið frá Hofteigi í Hjarðarhaga.
Nú um helgina stendur spunaleikhópurinn Improv Ísland fyrir námskeiði á Egilsstöðum í samstarfi við Menningarmiðstöð Fljótsdalshéraðs. Á námskeiðum hópsins kynnast þátttakendur grunninum í langspunaforminu Haraldinum, sem er ein þeirra aðferða sem hópurinn vinnur eftir.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.